كيكة المكرونة باللحمة المفرومة

[كول نار]

كيكة المكرونة باللحمة المفرومة


​

هانحتاج الآتي :

طماطم مفرومه ناعم
ثوم طازج
جبنة موزاريلا مبشورة
جبنه رومي او بارميجانو مبشورة

لحمه مفرومه
زيت زيتون
زبده
مكرونه اقلام زي اللي في الصوره
وطبعا ملح وفلفل




الكميات انتي اللي هاتحديدها علي اد ما تحبي

اول حاجه نسلق المكرونه في ماء مغلي عليه ملح وفلفل
نصفيها ونشطفها بماء جاري
وماتنسوش تحطوا شوية من زيت الزيتون في مية السلق عشان
المكرونه ما تلزقش في بعضها

في طاسه مناسبه نضيف اللحم المفروم ونقلبه دقيقتين علي النار مع الثوم المفروم
وملح وفلفل وملعقتين زيت زيتون


ونقلب لحد ما ياخد اللون البني

بعد كده نضيف الطماطم ونقلب كويس ونسيبها تتسبك علي النار حوالي 20 دقيقه
لحد ما قوامها يتخن

في الوقت ده نبدأ نقلب المكرونه مع الجبنه الرومي المبشوره وملعقتين زيده سايحه

ونرصها بالشكل ده في صينيه جوانبها ممكن تتفك
وطبعا ما ننساش ندهن الصينيه بالزبده الاول ونرش القاعده بالبقسماط
الناعم عشان تطلع بسهوله

بعد ما اللحمه تتسبك نبدا نرشها علي وحدات المكرونه ونحاول نحشي
كل واحده باللحمه كويس اوي

واوعوا تسيبوا حاجه فاضيه عشان ده هايأثر علي الشكل النهائي
زي ما حصل معايا

في الاخر خالص نحط الجبنه الموزاريلا علي الوش



بعد ما نرش الجبنه علي الوش


ندخلها الفرن اللي بنكون مسخنينهم قبل كده



نسيبها حوالي 10 او 15 دقيقه لحد ما الجبنه تسيح و وشها يحمر


نفك جوانب الصينيه ونقدمها ساخنه وممكن لو فيه صوص لحمه متبقي يتحط جمبها



دا شكلها من فوق

ومن الجنب

ملحوظه : شوفوا الاتنين الفاضيين دول الجبنه نزلت تحت لانهم ما كانوش محشيين كويس


عشان كده راعوا انكوا تحشوها كلها كويس




دي حته لاول واحده تعلق علي الموضوع

و من قريب

وبالف هنا وشفا علي قلوبكم

 

[jan-brin]

يعني ما بتصير تكون الحتة لاول واحد يعلق ضروري لوحدة ههههههههههههههه
اكلة شهية مميزة من مطبخك الرائع دمتي بخير ...

 

[كول نار]

اي خلص لالك جان تكرم
كونة ما في غيرك اجا اصلا
هههههههههه
نورت والف صحة وهنا على قلبك يارب

 

[كلبهار]

هور يانعه في بساتين المنتدى نجني ثمارها من خلال الطرح الرائع لمواضيع اروع
وجمالية لا يضاهيها سوى هذا النثر البهي
فمع نشيد الطيور
وتباشير فجر كل يوم
وتغريد كل عصفور
وتفتح الزهور
اشكرك من عميق القلب على هذا الطرح الجميل
بانتظار المزيد من الجمال والمواضيع الرائعه