حسنة ام اللبن صارت سياسية

[الشجاع]

حسنة ام اللبن صارت سياسية





​

الشاعر احمد الياسري

عدنه شلون دولة وبيها حرية
حسنة ام اللبن صارت سياسية
حسنة شلون لعبت بالخلك طوبة
راحت للسياسة وعافت الروبة
الفضائيات كلها عليها مكلوبه
وامريكة ياربي بيها مسبية
حسنة ام اللبن صارت سياسية

حسنة لفلفت كلشي بعبايتها
وسبعة الاف من تمشي حمايتها
بسوك العالم مشكله وزارتها
وحكومتها حكومة محوة اميه
حسنة ام اللبن صارت سياسية

طلابتنا جبيره وحسنة حبابة
وبوش يكول هي تحل الطلابة
حسنة للحكم صعدت بدبابة
وكامت ترسملنه خطط امنية
حسنة ام اللبن صارت سياسية

ياناس على حسنة بعد مانعتب
لان مكروده لا تقره ولا تكتب
ملتهيه تفرهد بينا وتسلب
وحصتها بنفطنا الف بالميه
حسنة ام اللبن صارت سياسية

ماندري ويا حسنة شلون تاليها
ياناس وتعبنا من بلاويها
لان دولتها حاميها حراميها
حظنا الوكعانا بحلك واوية
حسنة ام اللبن صارت سياسية

كالوا حسنه راح تعالج الاحباط
وتذب شيلة فكرها وترد تلبس قاط
وتاسس حكومة كلها تكنوقراط
وتعالج بناء البنى التحتية
حسنة ام اللبن صارت سياسية

لبست قاطها وتسودنت حسنة
وردت تزمخ علينا وتفارسنا
درجعي للبن مو خرب واهسنا
عساها بخت من سواج ح***ة
حسنة ام اللبن صارت سياسية




سودة بوجه حسنة ام اللبن صارت سياسية؟؟

مما راق لي /////منقوله​

 

[كول نار]

رد: حسنة ام اللبن صارت سياسية

اختيار جميل جدا
كل الشكر لالك اخي الشجاع

 

[الشجاع]

رد: حسنة ام اللبن صارت سياسية

اقتباس:
المشاركة الأصلية كتبت بواسطة كول نار
اختيار جميل جدا
كل الشكر لالك اخي الشجاع



الف الف شكر على المرور القيم تحياتي الج

 

[كلبهار]

هور يانعه في بساتين المنتدى نجني ثمارها من خلال الطرح الرائع لمواضيع اروع
وجمالية لا يضاهيها سوى هذا النثر البهي
فمع نشيد الطيور
وتباشير فجر كل يوم
وتغريد كل عصفور
وتفتح الزهور
اشكرك من عميق القلب على هذا الطرح الجميل
بانتظار المزيد من الجمال والمواضيع الرائعه