برك الجبنة

[كول نار]

*مقاديرالعجينة:

1 - 3كاسات طحين

2- 15غ خميرة+ملعقة ماء فاتر +شوية سكر (هدول منخلطون مع بعض )

3- رشة ملح صغيرة

4- ملعقة من حبة البركة

5-بيضة

6-ملعقة زيت زيتون

ونبدا بالتحضيرنمزج المقادير السابقة منيح لحتى تتكون عنا العجينة(ملاحظة:ازا كانت العجينة لينة كتير منضيف طحين الها لحتى تمسك وازا كانت العجينة سميكة كتير منرش شوية مي لحتى تصير رقيقة معنا)
(بامكانكون تشترو عجينة جاهزة)
هلا بالنسبة للعجينة يلي ساويناها بنتركا شي نص ساعة ومنغطيا بنايلون او قطعة قماش مبللة

*هلا منجهزالمقادير الاخرى واللي هنون عبارة عن
1-جبنة (جبنة كيري)وممكن بالجبنة البيضا تبع البيت بس لازم نقوم بنقعا بالمي كزا مرة مشان يروح ملحها ودسمها)
2- القليل من البقدونس المفروم هاد رح نخلطو مع الجبنة ومنضيفلون التالي
3-رشة زعتر بري
4-اكليل الجبل
5-بهارات
6-نعناع
طبعا هدول المقادير اللي زكرناهون كلون لازم ينمزجو مع بعض لانو هي رح تكون الحشوة

*بنبدا بمد العجينة بالشوبك وبعدها بناخد قطع من العجين و بنمدها بشكل مثلث اومربع بحسب الرغبة)ومنقوم بحشيها بالمكونات السابقة بمقدار ملعقة واحدة من الحشوة لكل قطعة عجين وبعدين منبلش بلفا ولما منخلص لف قطعة العجين فمشان تلزء ببعضها وماتفتح ممكن انو نكسر بيضة بصحن ونخفئها وندهن اطراف العجينة يلي حشيناها
وازا ماتوفر عنا بيض ممكن ندوب شوية مي وطحين وهيك منسكر فيون قطع العجين مشان ماتفتح معنا

بعد مانخلص منجيب القطع وبنجهز زيت للقلي ومنبلش نئليهون (طبعا منئليهون بطنجرة قلي موبمقلاية)
لما منشوف لونها انو صار دهبي منشيلون ومنصفيون من الزيت ومنصفون بصحن ومنئدم معها بطاطا مئلية وتبولة
وكمان منئدمها مع الكبة

وصحة وهنا

​

​

 

[almkurdistan]

رد: برك الجبنة

يمي يمي ..
تسلمي يا لقبي ع الوصفات الشهيه..
دمتي بخير..
الم..

 

[كول نار]

رد: برك الجبنة

الف صحة وهنا على قلبك يا عمري

 

[كلبهار]

هور يانعه في بساتين المنتدى نجني ثمارها من خلال الطرح الرائع لمواضيع اروع
وجمالية لا يضاهيها سوى هذا النثر البهي
فمع نشيد الطيور
وتباشير فجر كل يوم
وتغريد كل عصفور
وتفتح الزهور
اشكرك من عميق القلب على هذا الطرح الجميل
بانتظار المزيد من الجمال والمواضيع الرائعه